შეხვედრის მსვლელობისას გაიმართა საქმიანი მოსაზრებების ურთიერთგაცვლა ოკუპირებული აფხაზეთის ტერიტორიაზე ამჟამად მცხოვრები თანამემამულეების და იძულებით გადაადგილებული პირების პოლიტიკური და სოციალური დაცვის აქტუალურ საკითხებზე.
განსაკუთრებული ყურადღება გამახვილდა საქართველოს მოქალაქეობის მიღების პროცედურების შესაძლო გამარტივების თემაზე. ქალბატონ მ. ჯანგველაძეს მიეწოდა ინფორმაცია მოქალაქეობის მიღებასთან დაკავშირებით უმაღლესი საბჭოს მიერ საკანონმდებლო ინიციატივის წესით საქართველოს პარლამენტში წარდგენილი კანონპროექტის თაობაზე, რომელიც განხილვის პროცესშია. გამოითქვა სრული მზადყოფნა აფხაზეთის პრობლემატიკის გარშემო მუდმივი თანამშრომლობისათვის.
შეხვედრაში მონაწილეობდა და კონკრეტული წინადადებები გამოთქვა აფხაზეთის უმაღლესი საბჭოს დეპუტატმა, გენდერული საბჭოს თავმჯდომარემ ქალბატონმა ეთერ ასტემიროვამ.
