17 მარტს აფხაზეთის ავტონომიური რესპუბლიკის უმაღლესი საბჭოს სესია გაიმართა. უმაღლესი საბჭოს წევრებმა სესიის დღის წესრიგით გათვალისწინებული ერთი საკითხი განიხილეს: „ხაზინადართა საბჭოს შექმნის მიზანშეწონილობის შესახებ და რეგლამენტში მასთან დაკავშირებული ცვლილებების შეტანის საჭიროებაზე“.
მოსაზრებების და წინადადებების მოსმენის შემდეგ ხაზინადართა საბჭოს შექმნის შესახებ გადაწყვეტილება უმაღლესი საბჭოს წევრთა მიერ ერთხმად იქნა მიღებული.
სხდომა დისტანციურ რეჟიმში წარიმართა და მას უმაღლესი საბჭოს თავმჯდომარე ჯემალ გამახარია უძღვებოდა.
