თბილისობის დღესასწაულთან დაკავშირებით, აფხაზეთის ავტონომიური რესპუბლიკის მთავრობის ორგანიზებით ეთნოგრაფიულ მუზეუმში „აფხაზური ეზო“ მოეწყო.
ღონისძიების ფარგლებში გაიმართა აფხაზეთის შემოქმედებითი ანსამბლების კონცერტი.
მიმდინარეობდა დევნილი მეწარმეების პროდუქციის გამოფენა-გაყიდვა. ასევე, გასტრონომიული მასტერკლასი და ტრადიციული კერძების დეგუსტაცია.
„აფხაზურ ეზოში“ ასევე წარმოდგენილი იყო ტრადიციული სამოსის, ფოტო მასალისა და ბეჭდური გამოცემების გამოფენა.
