10 დეკემბერს აფხაზეთის უმაღლესი საბჭოს პრეზიდიუმის სხდომა გაიმართა. პრეზიდიუმის წევრებმა დღის წესრიგით გათვალისწინებული რამდენიმე საკითხი განიხილეს:
გალის რაიონის ტერიტორიაზე საგანმანათლებლო პროექტის „დისტანციური სწავლებები“ ამოქმედების შესახებ; „აფხაზეთის ავტონომიური რესპუბლიკის უმაღლესი საბჭოს რეგლამენტში ცვლილებების შეტანის შესახებ“ აფხაზეთის ავტონომიური რესპუბლიკის რეგლამენტის პროექტის განხილვის პროცედურის დაწყების შესახებ; აფხაზეთის ავტონომიური რეპუბლიკის უმაღლესი საბჭოს სამსახურებრივი ფართით დაკმაყოფილებასთან დაკავშირებით აფხაზეთის მთავრობისადმი მიმართვის შესახებ.
სხდომის მუშაობაში მონაწილეობდნენ აფხაზეთის ავტონომიური რესპუბლიკის განათლებისა და კულტურის მინისტრის მოადგილე ირმა კეკელიძე და ასევე, განათლებისა და საგანმანათლებლო პროგრამების სამსახურის უფროსი ნინო ლობჟანიძე.
