14 მაისს საქართველოს მართლმადიდებელი ეკლესია  წმინდა თამარ მეფის ხსენების დღეს აღნიშნავს.

თამარ მეფე, საქართველოში ერთ-ერთ ყველაზე წარმატებულ მმართველთან ერთად სამაგალითო ქრისტიანიც იყო.  ქართულმა ეკლესიამ ის წმინდანად შერაცხა. ცნობილია, რომ თამარ მეფეს ერთ-ერთი რეზიდენცია სოხუმში ჰქონდა. მემატიანის ცნობით, ზაფხულობით მეფე თამარ “ზოგჯერ გარდავიდეს აფხაზეთს - გეგუთსა და ცხუმს”.

აფხაზეთის ავტონომიური რესპუბლიკის უმაღლესი საბჭო სრულიად საქართველოს  ულოცავს თამარ მეფის ხსენების დღეს.  გისურვებთ ჯანმრთელობას, მშვიდობიან  საქართველოში ცხოვრებას.  აუცილებლად დადგება ჟამი, როდესაც ჩვენ ყველანი შევძლებთ გარდავიდეთ აფხაზეთს, ცხუმს.