10 ოქტომბერს უმაღლეს საბჭოს  წევრებისა და აფხაზეთის მთავრობის წარმომადგენლების სამუშაო შეხვედრა გაიმართა.

სხდომას უძღვებოდა უმაღლესი საბჭოს თავმჯდომარე ჯემალ გამახარია. მასში მონაწილეობდნენ  აფხაზეთის მთავრობის თავმჯდომარე ბატონი რუსლან აბაშიძე, იურიდიულ და საპროცედურო საკითხთა კომიტეტის თავმჯდომარე ვახტანგ ყოლბაია, სოციალურ-ეკონომიკურ საკითხთა, ჯანმრთელობის დაცვისა და დევნილთა საქმეების კომიტეტის თავმჯდომარე რუდიკ ცატავა,  საერთაშორისო კავშირების, განათლებისა და კულტურის საკითხთა კომიტეტის თავმჯდომარე ნუგზარ მგალობლიშვილი, ფრაქცია ”ახალი აფხაზეთი - სამართლიანობა” თავმჯდომარე რაისა ქარაია, უმაღლესი საბჭოს წვერი ეთერ ასტემიროვა, მთავრობის წევრები დავით ფაცაცია, ლევან თევზაია, ლევან ჩაკვეტაძე და ნანა გაბელია.

თავის გამოსვლაში აფხაზეთის მთავრობის თავმჯდომარემ ისაუბრა საკანონმდებლო ინიციატივებზე, რომელიც დევნილთა მდგომარეობის გაუმჯობესებისკენ იქნება მიმართული. საუბარი შეეხო ისეთ საკითხებს, როგორიცა ცვლიბები კანონში მოქალაქეობის შესახებ, საქართველოს მთავრობის  № 400 დადგენილებაში კერძო საკუთრების დეკლარირებისა და აღრიცხვის შესახებ; განსაკუთრებული ყურადრება გამახვილდა დევნილთა საცხოვრებელი ფართით დაკმაყოფილების საკანონმდებლო უზრუნველყოფასთან დაკავშირებულ საკითხებზე. ამის თაობაზე უფრო დეტალურად ისაუბრა აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ. მან აღნიშნა, რომ საქართველოს პარლამენტში წარსადგენად მომზადებული კანონპროექტების განხილვა უნდა მოხდეს დევნილი საზოგადოების ფართო ჩართულობით. მთავრობის წევრებმა უპასუხეს დეპუტატთა მრავალრიცხოვან შეკითხვებზე; დეპუტატებმა ნუგზარ მგალობლიშვილმა, რუდიკ ცატავამ, ვახტანგ ყოლბაიამ, ეთერ ასტემიროვამ და რაისა ქარაიამ ასევე გამოთქვეს საკუთარი მოსაზრებები აღნიშნულ საკითხებთან დაკავშირებით. საქართველოს შესაბამის კანონებში ცვლილებების პროექტის მომზადების მიზნით გადაწყდა ერთობლივი კომისიების ჩამოყალიბება, რომლებიც მიმდინარე კვირის ბოლომდე შეუდგებიან მუშაობას.

უმაღლესი საბჭოს თავმჯდომარემ მადლობა გადაუხადა მთავრობის წევრებს და კოლეგებს უაღრესად აქტუალური  საკითხების დაყენებისათვის. ერთობლივი კომისიების მუშაობას უმაღლესი საბჭოს მხრიდან კოორდინაციას გაუწევს  იურიდიულ და საპროცედურო საკითხთა კომიტეტის თავმჯდომარე ბატონი ვახტანგ ყოლბაია.