საღამოში მონაწილეობდნენ ა(ა)იპ კულტურის ინსტიტუტის „აფხაზეთის ქართული ხალხური სიმღერისა და ცეკვის სახელმწიფო ანსამბლის უფროსი თაობა“, ქ.ზუგდიდის მუნიციპალიტეტის ხელოვნებისა და კულტურის განვითარების ცენტრის რეზო ბულიას სახელობის სიმღერისა და ცეკვის ანსამბლი „ჩელა“, კულტურის ინსტიტუტის ანსამბლი არტ-საქართველო, ა(ა)იპ ხალხური სიმღერისა და ცეკვის აკადემიური ანსამბლი „ნართები“. დამსწრე საზოგადოებისთვის შემოქმედებითმა კოლექტივებმა ქართულ-აფხაზური და ოსური სიმღერები და ცეკვები შეასრულეს. დარბაზი დიდი აღფრთოვანებითა და ემოციებით ხვდებოდა თითოეულ წარმოდგენილ ცეკვასა თუ სიმღერას.
საღამოს დასასრულს აფხაზეთის უმაღლესი საბჭოს დეპუტატმა თეიმურაზ მჟავიამ ქართული სასიმღერო და ქორეოგრაფიული ხელოვნების განვითარებასა და პოპულარიზაციაში შეტანილი განსაკუთრებული წვლილისათვის, ნაყოფიერი შემოქმედებითი მოღვაწეობისათვის შემოქმედებით კოლექტივებს აფხაზეთის უმაღლესი საბჭოს მადლობის სიგელები გადასცა. ის გულთბილად მიესალმა დამსწრე საზოგადოებას და მადლობა გადაუხადა ანსამბლებს ნაყოფიერი მოღვაწეობისათვის.
