მისი თქმით, - „სწორედ ასეთ, ეკონომიკური კრიზისის დასაძლევად გაკეთებულ ვოიაჟს, უნდა მიეწეროს ე.წ. აფხაზეთის რესპუბლიკაში რუსეთის ფედერაციის სავაჭრო წარმომადგენლის, ვინმე ზალინა კობესოვას შეხვედრა გალის რაიონის დე-ფაქტო ადმინისტრაციის ხელმძღვანელთან კ. ფილიასთან და მასთან იმედისმომცემი და ხანგრძლივი (მათივე შეფასებით) ხელშეკრულების მომზადებისთვის ერთობლივი მუშაობის დაწყება, რომელიც ითვალისწინებს (გთხოვთ სკამზე თავი დაიმაგროთ, რომ არ გადმოყირავდეთ), ვციტირებ: „გალის რაიონში წარმოებული პროდუქციის რუსეთში რეალიზაციით რუსეთის ფედერაციის ეკონომიკის გამაგრების (!) ღონისძიებებს.“ (არ დაგავიწყდეთ, რომ საუბარია იმ გალის რაიონზე, რომლის ქართველი მოსახლეობა ფაშისტური გეტოს პირობებში ცხოვრობს.)“
„ბევრი ვიფიქრე წინამდებარე ფაქტის ადეკვატური პოლიტიკური, ეკონომიკური და ზნეობრივ-ფსიქიკური შეფასებების ზუსტი კომპლექსური დეფინიციის მოსაძებნად, და მგონია, უკეთესს ვერაფერს მოვიფიქრებდი: ვაი, თქვენს პატრონს!!!“ - აცხადებს თ. ხუბუა.
