დამსწრე საზოგადოებას სიტყვით მიმართეს აფხაზეთის ავტონომიური რესპუბლიკის უმაღლესი საბჭოს თავმჯდომარემ, ისტორიის დოქტორმა, პროფესორმა ჯემალ გამახარიამ, ფილოლოგიის მეცნიერებათა დოქტორებმა მანანა ბუკიამ და მაია მირესაშვილმა, ფილოლოგიის ასოცირებულმა პროფესორმა მერაბ ნაჭყებიამ, ფილოლოგმა მერაბ ჩუხუამ, პოეტმა პაატა ნაცვლიშვილმა. მათ ხაზი გაუსვეს მსგავსი ნაშრომების მნიშვნელობას და მადლობა გადაუხადეს თეიმურაზ გვანცელაძესა და მის გუნდს გაწეული შრომისათვის.
“მინდა მადლობა გადავუხადო ბატონ თეიმურაზსა და მის გუნდს. მზად ვარ, ყველანაირად შეგიწყოთ ხელი. მკითხველს - ქართველებსა და აფხაზებს - სწორედ ასეთი საფუძვლიანი, დოკუმენტურ მასალაზე დაყრდნობილი ნაშრომები უნდა შევთავაზოთ. კარგი იქნება, თუ ეს წიგნი რუსულადაც გამოიცემა, რადგან, სამწუხაროდ, თანამედროვე აფხაზეთში ძირითადად სწორედ ამ ენაზე საუბრობენ” - განაცხადა ჯემალ გამახარიამ.
წიგნის პრეზენტაციას ისტორიკოსები, აკადემიური და სამეცნიერო საზოგადოების წევრები, სტუდენტები და მოწვეული სტუმრები ესწრებოდნენ.
