აფხაზეთის ავტონომიური რესპუბლიკის უმაღლესი საბჭოს და მთავრობის წევრებმა დღეს კიდევ ერთხელ მიაგეს პატივი სამშობლოს ინტერესების დასაცავად აფხაზეთში დაღუპული გმირების ხსოვნას. ყვავილების გვირგვინებით შეამკეს გმირთა მემორიალი, ვაშლიჯვრის ძმათა სასაფლაო, ჟიული შარტავას, გენო ადამიას საფლავები.
დღეს სამების საკათედრო ტაძარში კათოლიკოს პატრიარქმა აფხაზეთში საქართველოს ტერიტორიული მთლიანობისთვის დაღუპულთა სულების მოსახსენებელი პანაშვიდი გადაიხადა. ღონისძიებას ესწრებოდნენ აფხაზეთის უმაღლესი საბჭოს თავმჯდომარე ჯემალ გამახარია, მთავრობის თავმჯდომარე რუსლან აბაშიძე, აფხაზეთის სახელისუფლებო სტრუქტურების სხვა წარმომადგენლები.
