აფხაზეთში საომარი მოქმედებების პერიოდში, ექსტრემალურ სიტუაციაში გამოჩენილი მამაცობის, თავდადებისა და მაღალი პროფესიონალიზმისთვის საქართველოს თავდაცვის სამინისტროს 23-ე ბრიგადის საზენიტო საარტილერიო დივიზიონის სამსახურის უფროსი კონსტანტინე მურღულია და ამავე ბრიგადის შტაბის უფროსი გურამ ღრუბელაშვილი უმაღლესი საბჭოს საპატიო სიგელებით დაჯილდოვდნენ.

კონსტანტინე მურღულიას და გურამ ღრუბელაშვილის აფხაზეთის უმაღლესი საბჭოს უმაღლესი ჯილდო - საპატიო სიგელი უმაღლესი საბჭოს თავმჯდომარემ ჯემალ გამახარიამ გადასცა.