1 თებერვალს აფხაზეთის ავტონომიური რესპუბლიკის უმაღლესი საბჭოს  2022 წლის საგაზაფხულო სესია გაიხსნა. სხდომა ტრადიციულად საქართველოს სახელმწიფო ჰიმნით დაიწყო.

სესია აფხაზეთის უმაღლესი საბჭოს თავმჯდომარემ ჯემალ გამახარიამ გახსნა. მან მიულოცა კოლეგებს 2022 წლის საგაზაფხულო სესიის ფორმატში მუშაობის განახლება და ვრცელ მიმართვაში დეტალურად ისაუბრა უმაღლესი საბჭოს მიერ 2021 წელს გაწეულ მუშაობასა და სამომავლო გეგმებზე.

სხდომა ნაწილობრივ დისტანციურ რეჟიმში წარიმართა.