დღეს, აფხაზეთის ავტონომიური რესპუბლიკის უმაღლესი საბჭოს წევრებმა და აპარატის თანამშრომლებმა პატივი მიაგეს 1993 წლის 15-16 მარტს რუსეთის შეიარაღებული ძალების მონაწილეობით სოხუმზე განხორციელებული შეტევის დროს დაღუპულ მეომართა ხსოვნას და გმირთა მემორიალი ყვავილების გვირგვინით შეამკეს.
ქართული ჯარის ისტორიაში 15-16 მარტის სამხედრო ოპერაცია შესულია, როგორც ქართველი მეომრების შეუპოვრობის, პატრიოტული სულისკვეთების და სამშობლოსათვის თავგანწირვის სანიმუშო მაგალითი.
