აფხაზეთის ავტონომიური რესპუბლიკის უმაღლესი საბჭოს ფრაქციას „ქართული ოცნება-დემოკრატიული საქართველო“ პოლიტიკურ და სამართლებრივ შეცდომად მიაჩნია შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პაატა ზაქარეიშვილის განცხადება, რომ აფხაზეთი დამოუკიდებელი საქართველოს შემადგენლობაში არ ყოფილა. ეს არის სრული სიცრუე, რადგანაც აფხაზეთი ისტორიულად ყოველთვის იყო საქართველოს განუყოფელი ნაწილი.
ჩვენი ღრმა რწმენით, მსგავსი განცხადებები ხელს უშლის აფხაზეთის კონფლიქტის დარეგულირებისა და საქართველოს ტერიტორიული მთლიანობის აღდგენისათვის მიმდინარე პროცესებს.
