სხდომას ხელმძღვანელობდა ფრაქციის თავმჯდომარე მურმან კვარაცხელია, სხდომას ესწრებოდნენ წევრები აკაკი გასვიანი, ნაპოლეონ მესხია, როსტომ შამუგია, ჯემალ საჯაია, თამაზ  ხუბუა.

სხდომაზე განხილული იქნა შემდეგი საკითხები:

1. აფხაზეთის უმაღლესი საბჭოს ფრაქციის ,,ქართული ოცნება–დემოკრატიული  საქართველო“ უახლოესი პერიოდის პოლიტიკური ამოცანების შესახებ.

2.  აფხაზეთის ავტონომიური რესპუბლიკის განათლებისა და კულტურის სამინისტროს  გალის რაიონის რესურსცენტრის ინფორმაცია ,,აფხაზეთის ოკუპირებულ ტერიტორიაზე  ქართული  ენის  უფლებრივი  მდგომარეობის  შესახებ“.

3.  საქართველოს  კონსტიტუციაში  შესატანი  ცვლილებების  პროექტის  შესახებ.

4.  სხვადასხვა.

განხილულ საკითხებთან დაკავშირებით ფრაქციამ მიიღო სამოქმედო რეკომენდაციები.  სხდომაზე განსაზღვრული იქნა კონკრეტული თარიღები სამეგრელოს, იმერეთისა და კახეთის რეგიონებში განსახლებული აფხაზეთიდან დევნილი მოსახლეობის წარმომადგენლებთან  ფრაქციის  წევრების  გასვლითი  შეხვედრების  ჩასატარებლად.

აღსანიშნავია, რომ გასული კვირის განმავლობაში ფრაქციის წევრებს ქ. ზუგდიდში საქმიანი შეხვედრები ჰქონდათ აფხაზეთის ომის ვეტერანების, ცალკეული არასამთავრობო ორგანიზაციების, ოკუპირებული აფხაზეთის ტერიტორიაზე, კერძოდ გალის რაიონში, ამჟამად მცხოვრები ჩვენი თანამემამულეების წარმომადგენლებთან.

აფხაზეთის  უმაღლესი  საბჭოს  ფრაქცია

,,ქართული  ოცნება–დემოკრატიული  საქართველო“