თბილისის მოსწავლე-ახალგაზრდობის სახლის ვაკის ფილიალის ხელმძღვანელობის ინიციატივით 8 ივნისს 14 საათზე გასართობ კომპლექს ”კოპალაში” (წყნეთი, რუსთაველის #3) ჩატარდება საქველმოქმედო ღონისძიება აფხაზეთიდან 60 სოციალურად დაუცველი დევნილი მოზარდისათვის.

რამდენიმე საათის განმავლობაში დევნილ კურსდამთავრებულებს უსასყიდლოდ დაეთმობათ ”კოპალას” ბოულინგის დარბაზი, უმცროსკლასელებს კი - კარაოკე და გასართობი ატრაქციონები.

ღონისძიების დასასრულს მოზარდებს ტკბილეულითა და გამაგრილებელი სასმელებით გაუმასპინძლდებიან.

ღონისძიებას აფხაზეთის მთავრობისა და უმაღლესი საბჭოს წარმომადგენლები დაესწრებიან.

ინფორმაციული უზრუნველყოფის განყოფილება