4 ივლისს აფხაზეთის ავტონომიური რესპუბლიკის უმაღლესი საბჭოს დელეგაცია: უმაღლესი საბჭოს თავმჯდომარე ელგუჯა (გია) გვაზავა, თავმჯდომარის მოადგილე ანზორ წოწონავა და თავმჯდომარის თანაშემწე ვახტანგ თორდია კიევში გაემგზავრნენ.
უკრაინაში ვიზიტის ფარგლებში დაგეგმილია აფხაზეთის ა/რ უმაღლესი საბჭოს დელეგაციის შეხვედრები უმაღლეს რადაში, აგრეთვე ქართველ სტუდენტებთან და კიევში არსებული ქართული საგანმანათლებლო ცენტრის წარმომადგენლობაში. ამასთან ერთად, შეხვედრები გაიმართება სუმის ოლქში მცხოვრებ აფხაზეთიდან დევნილ თანამემამულეებთან.
ვიზიტი რამოდენიმე დღეს გაგრძელდება.
