მის მაღალყოვლადუსამღვდელოესობას - ჭიათურისა და საჩხერის მიტროპოლიტს მეუფე დანიელს (დათუაშვილს)


მეუფეო,

აფხაზეთის ავტონომიური რესპუბლიკის უმაღლესი საბჭო ცხუმ-აფხაზეთის საზოგადოებრიობის მხარდაჭერით გამოხატავს მადლიერებას ჩვენი მოსახლეობის სულიერი მესვეურის ღვთივსათნო მოვალეობის აღსრულებისას, განსაკუთრებით დევნილობაში, თქვენს მიერ გაწეული საგანგებო და წამგაუცდენელ ძალისხმევათა გამო.

მძიმე და დაუნდობელ წლებში გერგოთ ეს მოვალეობა - 1992 წლის მიწურულიდან 2010 წლის მიწურულამდე, ზუსტად 18 წელი თქვენ იღვაწეთ როგორც საველე-სასანგრო, ასევე დუხჭირი დევნილობის პირობებში, იცხოვრეთ თქვენი სამწყსოსა და მრევლის უმკაცრესი ყოველდღიურობით.

დღეს, როდესაც ავბედითი ქარტეხილების შედეგად ცხუმ-აფხაზეთი ცხინვალის მხარესთან ერთად დროებით ოკუპირებული გახლავთ, სახარებისეული სწავლება და ეროვნული სილისკვეთება ჩვენგან მიზანმიმართულად მოითხოვს ქრისტეს ჯვრის ერთგულებასა და ქრისტემხედრულ მოვალეობას, რათა ცხუმ-აფხაზეთში მკვიდრი მოსახლეობის აღორძინება ყოველ მიზეზგარეშე აღსდგეს  სახლიკაცობისა და ძუძუმტეობის წესრიგში.

ღმერთი შეგეწიოთ საქართველოს ერთიანობისთვის ლოცვასა და ძალისხმევაში.

დიდება უფალს!
უფლისმიერი სიყვარულით

აფხაზეთის ავტონომიური რესპუბლიკის უმაღლესი საბჭო