როგორც ღონისძიების ორგანიზატორებმა განაცხადეს, აფხაზეთის ავტონომიური რესპუბლიკის სავაჭრო-სამრეწველო პალატა სოხუმის სახელმწიფო უნივერსიტეტთან გაფორმებული ურთიერთთანამშრომლობის მემორანდუმის ფარგლებში სთავაზობს აფხაზეთიდან დევნილ სტუდენტებს საწარმოო პრაქტიკას აფხაზეთის სავაჭრო-სამრეწველო პალატაში გაერთიანებული მეწარმეების საწარმოებსა და კომპანიებში.
აღნიშნული პროგრამა დევნილ სტუდენტებს დასაქმებისათვის საჭირო უნარებისა და სამუშაო ჩვევების შეძენაში დაეხმარება. გარდა ამისა, პრაქტიკული სწავლების კურსის გავლის შემდგომ მეწარმეების მხრიდან დაინტერესების შემთხვევაში სტუდენტებს ექნებათ საშუალება დასაქმდნენ.
პრეზენტრაციას ასევე ესწრებოდნენ აფხაზეთის მთავრობის თავმჯდომარე რუსლან აბაშიძე, აფხაზეთის ფინანსთა და დარგობრივი ეკონომიკის მინისტრი ივანე დოლიძე, აფხაზეთის ავტონომიური რესპუბლიკის მინისტრი იუსტიციისა და სამოქალაქო ინტეგრაციის საკითხებში დავით ფაცაცია, აფხაზეთის უმაღლესი საბჭოს თავმჯდომარის მოადგილე დავით გვაძაბია, უმაღლესი საბჭოს წევრი ვახტან ყოლბაია, სოხუმის სახელმწიფო უნივერსიტეტისა და საქმიანი წრეების წარმომადგენლები, უცხოეთიდან ჩამოსული სტუმრები.
