15 ნოემბერს ვაკის საფეხბურთო ცენტრში   ქალთა საფეხბურთო გუნდი “დინამო” სოხუმისა და საბურთალოს თამაში გაიმართა, სადაც 5 ქულიანი უპირატესობით გამარჯვება   “დინამო” სოხუმმა მოიპოვა და ქალთა ლიგა 2-ის  2025 წლის სეზონის ჩემპიონი გახდა.

ასევე, საქართველოს ფეხბურთის ფედერაციის სალიცენზიო კომიტეტის გადაწყვეტილებით “დინამო” სოხუმმა მიიღო ეროვნული ქალთა ლიცენზია შესაბამისი სპორტული შედეგების გათვალისწინებით და ლიცენზიის მინიჭების  შემდეგ, გუნდი 2026 წელს უმაღლეს ლიგაში იასპარეზებს.

თამაშის შემდეგ გაიმართა დაჯილდოვების ცერემონია.

ღონისძიებას დაესწრნენ და  გამარჯვება გუნდთან ერთად აღნიშნეს აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარიამ, განათლებისა და კულტურის მინისტრმა ბექა ღვაჩლიანმა და გუნდის ერთგულმა გულშემატკივრებმა.

აღსანიშნავია, რომ “დინამო” სოხუმი 2013 წელს თბილისში აღდგა. 2020 წელს ჩამოაყალიბა ქალთა საფეხბურთო გუნდი, რომელიც საქართველოს  ქალთა საფეხბურთო ტურნირების მონაწილე გახდა და ეროვნული თასის გათამაშებაში ჩაერთო. 2026 წელს კი უმაღლეს ლიგაში იასპარეზებს.