აქედან გამომდინარე, საქართველოს სახელმწიფოებრივი დამოუკიდებლობის აღდგენის თაობაზე რეფერენდუმის ჩატარების დღე უმნიშვნელოვანესი თარიღია ჩვენი ქვეყნის უახლეს ისტორიაში. იმავე წლის 9 აპრილს საქართველოს რესპუბლიკის უზენაესმა საბჭომ მიიღო ისტორიული დოკუმენტი - საქართველოს სახელმწიფოებრივი დამოუკიდებლობის აღდგენის აქტი.
გარემოებათა გამო, რეფერენდუმის დღე, 31 მარტი, შემთხვევით, მაგრამ სავსებით კანონზომიერადაც ზვიად გამსახურდიას დაბადების დღეს დაემთხვა. დამოუკიდებელი საქართველოს პირველი პრეზიდენტი 85 წლის გახდებოდა. განსაკუთრებული პატივით უნდა მოვიხსენიო თავდადებული მამულიშვილი, უპირველესად იმ უდიდესი ღვაწლისთვის, რაც მან საქართველოს სახელმწიფოებრივი დამოუკიდებლობის აღდგენისთვის გასწია.
სამწუხაროდ, ზვიად გამსახურდიას პრეზიდენტობა ხანმოკლე აღმოჩნდა. სახელმწიფო გადატრიალების შედეგად იგი დევნილობაში იმყოფებოდა. 1993 წლის დეკემბერში კი ზვიად გამსახურდია ტრაგიკულად დაიღუპა.
აფხაზეთის ავტონომიური რესპუბლიკის უმაღლესი საბჭოს სახელით, გილოცავთ წარმატებული საერთო-სახალხო რეფერენდუმისა და ზვიად გამსახურდიას დაბადების დღეს.
აფხაზეთის ავტონომიური რესპუბლიკის
უმაღლესი საბჭოს თავმჯდომარე
ჯემალ გამახარია
2024 წლის 31 მარტი
