20-21 ნოემბერს თბილისის ვაკის საფეხბურთო ცენტრის სტადიონზე, ფიზიკური აღზრდისა და სპორტის სახელმწიფო უნივერსიტეტისა და აფხაზეთის ავტონომიური რესპუბლიკის იძულებით გადაადგილებულ პირთა საერთაშორისო ასოციაციის “ გზა შინისაკენ” ორგანიზებით   მინი ფეხბურთის მე-3 ტურნირი გარდამავალ პრიზზე „გზა შინისაკენ“ ჩატარდა.  

ტურნირში სოხუმის სახელმწიფო უნივერსიტეტი, გაგრის ,,დინამო",ს პორტის სახელმწიფო უნივერსიტეტი, სოხუმის ,,ცხუმი-სოხუმი ", ,,საინგილო", ფერეიდანი ,,ფესვები", სპორტული 1 ჯუნიორი, ,,უქიმირიონი" მონაწილეობდნენ.

ფინალში ერთმანეთს სოხუმის სახელმწიფო უნივერსიტეტი და “უქიმერიონი” დაუპირისპირდნენ. დაინიშნა მატჩისშემდგომი პენალტები, რომლებიც სოხუმელებმა უკეთ შეასრულეს და 5 : 4 გაიმარჯვეს.

საქართველოს მინი ფეხბურთის მე-3 ტურნირის გარდამავალი  პრიზი „გზა შინისაკენ“ გადაეცა ტურნიტში გამარჯვებულს - სოხუმის სახელმწიფო უნივერსიტეტს.

ტურნირს აფხაზეთის ავტონომიური რესპუბლიკის უმაღლესი საბჭოს თავმჯდომარის პირველი მოადგილე, საფინანსო-საბიუჯეტო კომიტეტის თავმჯდომარე თამაზ ხუბუა, კომიტეტის თავმჯდომარის მოადგილე თეიმურაზ მჟავია, იძულებით გადაადგილებულ პირთა მინისტრი დავით ფაცაცია, სამინისტროს წარმომადგენლები, ვეტერანი ფეხბურთელები და გულშემატკივრები ესწრებოდნენ.