გიგა ლორთქიფანიძის სახელობის რუსთავის დრამატულ თეატრში ორგანიზაცია “თაობა 21 საქართველოს” ორგანიზებით შემოქმედებითი საღამო - “აფხაზეთი მე ვარ” გაიმართა. ღონისძიების ფარგლებში მოეწყო აფხაზეთის ომის მონაწილე რუსთაველი მეომრებისადმი მიძღვნილი ფილმის ჩვენება.

საღამო გაიმართა  პროექტის ფარგლებში “მშვიდობის ელჩები - მომავალი თაობისათვის”.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, თავმჯდომარის პირველი მოადგილე, საფინანსო-საბიუჯეტო კომიტეტის თავმჯდომარე თამაზ ხუბუა, საერთაშორისო კავშირების, განათლებისა და კულტურის საკითხთა კომიტეტის თავმჯდომარე ნუგზარ მგალობლიშვილი, რუსთავის საკრებულოს წევრი ბადრი მაჭავარიანი, კულტურის სფეროს წარმომადგენლები, სტუდენტები და დევნილი საზოგადოების წევრები ესწრებოდნენ.